Një fëmijë 10 vjeç nga Polonia ka rënë aksidentalisht nga ballkoni i një hoteli. Ngjarja ka ndodhur në Shkëmbin e Kavajës në Durrës, aty ku i mituri bashkë me familjen ndodhen me pushime.
Mësohet se fëmija ka rënë nga kati i tretë i hotelit. Ai ndodhet në gjendje të rëndë në spital.
“Rreth orës 22:50, te Shkëmbi i Kavajës, Durrës, dyshohet se aksidentalisht ka rënë nga ballkoni i katit të tretë të një hoteli, një 10 vjeçar, polak, i cili ndodhet në gjendje të rëndë në spital”, thuhet në njoftimin e policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes./tvklan.al
