Gentjan Koçi dhe Ervin Kodra do të qëndrojnë në burg. Janë dy të rinjtë që u përpoqën t’i shpëtonin arrestimit të policisë mbrëmjen e së enjtes në bulevardin Zogu i Parë.
Kishin me vete dy pistoleta në makinën e tyre, një fuoristradë Tuareg, dhe nuk pranuan t’i ndalojnë patrullës së Komisariatit Nr. 3, që dyshonte se shpërndanin drogë.
Në arrati e sipër, aksidentuan dy autovetura dhe dy motorë në rrugën ‘Jordan Misja’, ndërsa armët i hodhën në një rrugicë dhe një oborrin e një pallati.
Patrulla e policisë i arrestoi pak metra larg vendit të aksidentit. Në gjykatë, prokuroria paraqiti prova për akuzat e ngritura për veprat penale “Prodhim dhe mbajtja pa leje e armeve dhe municionit luftarak”, “Shkatërrim prone” dhe “Mosbindja ndaj urdhërit të punonjësit të Policisë”.
Tv Klan
