Lajme Arkiva 2004

Kontrolli i Lartë i Shtetit pretendon se shpenzimet më të larta të  qeverisë për vitin e kaluar kanë qenë ato për telefona.

Në raportin e KLSH-së thuhet se shpenzimet për telefonatat nga kryeministria arrijnë në 90 milionë lekë. 

Kjo sipas këtij institucioni përbën rreth 50% të zërit të shpenzimeve operative që  i takojnë administratës së Kryeministrisë nga buxheti i shtetit.

Pak kohë më parë Zyra për Mbrojtjen e Qytetarëve morri një nismë duke u kërkuar politikanëve të deklarojnë se sa  është shumë që shteti u paguan  për telefonat.

Kreshnik Spahiu: “I kërkuam ministrave të qeverisë shqiptare të  na vinin në dispozicion faturat e telefonit fiks dhe atij celular  që mbulohet nga fondet publike me qëllim që ti bënim prezentë publikut se  si shpenzohen paratë e taksapaguese shqiptarë.  Nuk na u dha ky shans, na i paraqitën vetëm dy  ministra, pasi ne dëshironim ti publikonim figurat analitike”.

Raporti i Kontrollit të Lartë të Shtetit vlerëson se këto shpenzime janë shumë më të  mëdha po ti krahasosh me zërat e tjerë të shpenzimeve operative të stafit të kryeministrisë. Ato zënë pak më sulm se 6 % të fondit kryeministror, ose vetëm 11 milionë Lekë.

Kontroll është ushtruar edhe në pagesat e arkës për udhëtimet dhe dietat. Sipas Kontrollit të Lartë të Shtetit edhe këtu janë vërejtur shkelje të rënda  të dispozitave ligjore./tvklan.al