Lëkundjet e tërmetit të mëngjesit të kësaj të premteje kanë shkaktuar dëme në Dibër. Burime për Klan News bëjnë të ditur se paraprakisht, dëme raportohet në muret e zyrave të njësisë administrative Gjoricë, ashtu sikurse 2 shtëpi në fshatin Zogje, por edhe në njësinë Administrative në Ostren, ku gjithashtu kanë pësuar dëmtime të lehta 2 shtëpi.
Fatmirësisht nuk raportohet për të lënduar në njerëz. Gjatë orëve të mëngjesit të kësaj të premteje u regjistruan të paktën 4 lëkundje sizmike. Më i forti ishte ai me magnitudë 4.5 të shkallës Rihter, me epiqendër në Bulqizë.
Vetë qytetarët treguan për mikrofonin e Klan News se lëkundjet kishin qenë të forta dhe të frikësuar ata kishin dalë në rrugë./tvklan.al
