Barcelona nis operacionin për Lewandowskin
Me nisjen e kësaj jave, klubi i Barcelonës do të nisë operacionin Lewandowski. Pas shumë javësh studimi nga ana e spanjollëve Klubi Blaugrana është përgatitur të bëjë një propozim që ka pak hapësirë për negociata dhe kështu të detyrojnë një mirëkuptim të shpejtë që është në interes të të gjitha palëve. Lewandoëski tashmë ka komunikuar se dëshiron të shkojë te Barça dhe klubet e kuptojnë se duhet të arrihet një marrëveshje për të mirën e të gjithëve.
Klubi Blaugrana tashmë në orët në vijim do të aktivizojë mekanizmin për shitjen e të drejtave televizive dhe kjo do të vërë në lëvizje operacionin e parë në merkato, blerjen e polakut nga Bayern.
Barça ka ngritur strategjinë dhe i ka premtuar futbollistit se do të bëjë gjithçka për ta afruar sa më shpejt. Duhet të pritet reagimi i Bayernit që kërkon 50 mln, por te Barça e kuptojnë se janë të dënuar të arrijnë një marrëveshje.
Ekipi spanjoll dëshiron që polaku t’i bashkohet grupit për të shkuar në turne në Shtetet e Bashkuara dhe të bëjë debutimin e tij në një treg që është me interes të veçantë për klubin. Tashmë jemi në fazën e vërtetë finale.
Tv Klan
