Nuk prodhoi fitues “Klasikja” e futbollit shqiptar. Sfida mes Vllaznisë dhe Tiranës, në “Loro Boriçi”, u mbyll në barazim 2-2.
Kjo përballje kishte gjithçka brenda, përveç fituesit. Bardheblutë e kryeqytetit ishin më kërkues në pjesën e parë, duke krijuar disa raste të pastra.
Ndeshja u zhbllokua në minutën e 22-të, kur Jarmouni shënoi dhe i dha avantazhin Tiranës. Pjesa e dytë nisi me gol, me Bekim Balajn që vendosi baraspeshën në minutën e 55-të.
Tirana u rikthye në avantazh në minutën e 76-të, falë një goli të Ismajlit, por festa zgjati pak.
Balaj, riktheu sërish baraspeshën 3 minuta më vonë, me një supergol të shënuar nga goditja ë dënimit.
Pavarësisht se të dyja skuadrat krijuan, rezultati nuk ndryshoi deri në fund dhe ekipet u detyruan të ndajnë nga një pikë.
Ky është barazimi i dytë radhazi për Tiranën në kampionat, ndërsa Vllaznia ndalet pas fitores me Partizanin një javë më parë. /tvklan.al