Përditësimet e WhatsApp do të na bëjnë të ‘padukshëm’





Përditësimet e WhatsApp do të na bëjnë të ‘padukshëm’

10:26 09/08/2022

WhatsApp do të  sjellë ndryshime për grupet e bisedave në aplikacion përgjatë këtij muaji për 2 miliardë përdoruesit e tij.

Shumë shpejt, anëtarët e grupeve mund të largohen prej tyre dhe të tjerët nuk do të njoftohen për këtë.  Pra, kutia e njoftimit që shfaqet sa herë largohet një person, nuk do të jetë më e dukshme.

Përdoruesit nuk do të mund të shohin as cili anëtar është online, ndërsa deri më tani mundeshin të përcaktonin vetëm nëse personi tjetër mund të shihte që mesazhi është lexuar ose jo.

Pjesë e përditësimit do të jetë çaktivizimi i screenshots për fotot që dërgohen me opsionin View Once, të cilat janë dizenjuar të zhduken pasi hapen.

Platforma e Meta është shprehur se të gjitha risitë kanë si qëllim përmirësimin e privatësisë në bisedat online./tvklan.al













Të ngjashme