Princ Harry mësoi për vdekjen e mbretëreshës nga mediat

Princ Harry mësoi për vdekjen e mbretëreshës nga mediat

20:31 23/09/2022

Lajmin e kanë konfirmuar burime për Page Six nga pallati mbretëror

Princi Harry u përpoq në mënyrë të dëshpëruar  të shkonte në shtratin e gjyshes së tij për t’i dhënë lamtumirën  por kuptoi se ajo kishte ndërruar jetë pasi lexoi lajmet në internet.

Trishtimi  dhe dëshpërimi u skalitën në fytyrën e Harrit ndërsa ai po shkonte në Balmoral, në  rezidencën Mbretëreshës, disa orë pasi ajo kishte ndërruar jetë.

Një burim për pallatin Buckingham konfirmoi se askush nga familja mbretërore, apo ndonjë oborrtar, nuk e njoftoi Harry-n për t’i treguar për vdekjen e monarkes.

Princ  Harry dhe  Meghan Markle thuhet se u kthyen në shtëpinë e tyre në Montecito, Kaliforni, të mërkurën për t’u ribashkuar me fëmijët e tyre, Archie  dhe Lilibet.

Pyetjes nëse Harry dhe vëllai i tij, Princi William, kanë ndrequr raportet, burimet e pallatit konfirmuan se të dyshja kanë folur në darka. Vdekja e mbretëreshës ka çuar në një përpjekje nga anëtarët e familjes për të shkrirë akullin midis Harry-t me Charles dhe William por pati momente gjatë dy javëve të fundit kur vendimi i pallatit për t’iu përmbajtur protokollit tregoi se sa të sikletshme mbeten  ende gjërat.

Klan News





Të ngjashme