Lajme Arkiva 2003

Qyteti Studenti, qendra e banimit me moshën më të re të banorëve pas tre muajsh qetësia ka rifilluar përsëri të zhurmojë. Studentët duke filluar nga dita e djeshme kanë filluar regjistrimet nëpër konvikte. Këtu do të kalojnë një vit tjetër akademik.

Rezarta vjen për herë të parë në këtë qytezë. Këtë vit fillon studimet në degën e Gjuhë- Letërsisë. Ajo vjen nga Gramshi. Me të ardhur këtu ka gjetur menjëherë një dhomë për tu akomoduar.

Studentja: Jam nga rrethi i Gramshit, kam ardhur dje mesa kam vënë re kushtet ishin shumë të mira.

Gazetari: Në momentin që erdhët dje a gjetët mirëkuptim nga drejtuesit e konviktit, pra a morët menjëherë çelësat dhe hytë në dhomë?

Studentja: Sigurisht, kujdestarja ishte shumë e komunikueshme, të paktën me ne studentët. Direkt morëm çelësat gjetëm dhomën pa asnjë problem, asnjë zvarritje.

Ja edhe një studente tjetër sapo ka mbërritur nga qyteti i Përmetit.

Gazetari: Më fal si quhesh?

Studentja: Jolanda Goni.

Gazetari: Tani erdhe të regjistrohesh?

Studentja: Po.

Gazetari: Çfarë viti je?

Studentja: Viti i dytë për Gjuhë-Letërsi.

Gazetari: Pate ndonjë vështirësi në regjistrim?

Studentja: Jo aspak, çdo gjë në rregull.

Vetëm gjatë ditës së djeshme u rregulluan nëpër dhomat e tyre 1450 studentë ndërsa planifikimi është që në 25 godinat e kësaj qyteze të akomodohen 6100 studentë të ardhur nga të gjitha rrethet e Shqipërisë./tvklan.al