Tragjedi nga moti i acartë në SHBA




Tragjedi nga moti i acartë në SHBA

17:40 22/01/2022

Shuhet një familje nga India që synoi të kalonte kufirin drejt Kanadasë

Trupi i një burri, gruaje, një djali adoleshent dhe një foshnjeje u gjetën pranë Emerson, Manitoba.

Nga të dhënat paraprake, zyrtarët amerikanë raportuan se të vdekurit besohet të jenë një familje nga India, që po përpiqeshin të kalonin në SHBA. Policia kanadeze u njoftua se një ekipi i Doganave dhe Patrullës Kufitare të SHBA-ve kishte arrestuar një grup, i cili kishte kaluar në një pikë të paligjshëm të kufirit.

Autoritetet deklaruan se grupi ishte “i vetëm në mes të një stuhie” dhe “përballej jo vetëm me motin e ftohtë, por edhe me fusha të pafundme, reshje të dendura dëbore dhe errësirë ​​të plotë”.

Agjentët amerikanë takuan një grup prej pesë shtetasish indianë, të cilët thanë se kishin ecur për 11 orë në këmbë dhe prisnin t’i merrte dikush.

Njëri prej tyre mbante një çantë shpine, ku kishte rroba për fëmijë, lodra dhe ilaçe. Ai tha se e mbante atë për një familje prej katër anëtarësh, por që ata “ishin ndarë natën”.

Të ashtuquajturat kalime “të parregullta” nga SHBA në Kanada – kalimet jashtë pikave kufitare zyrtare – u rritën në mënyrë drastike rreth vitit 2017, një fenomen i nxitur nga faktorë të shumtë, duke përfshirë politikat e imigracionit të vendosura nga ish-presidenti amerikan Donald Trump.

Kanadaja ndaloi kalimet e tilla në fillim të pandemisë, me zyrtarët që kthenin azilkërkuesit përsëri në SHBA. Ndalimi u hoq në Nëntor. Zyrtarët lokalë në Emerson thonë se është e rrallë të shohësh njerëz që kalojnë nga Kanadaja drejt jugut në SHBA.

Klan News











Të ngjashme