7020 doza të tjera vaksine të Pfizer do të mbërrijnë këtë të hënë në Tiranë. Nga foltorja e Kuvendit, Ministrja e Shëndetësisë, Ogerta Manastirliu tha se ky është furnizimi i tretë i një serie që nuk do të ndërpritet. Përveç vaksinave të Pfizer, Shqipëria do të marrë edhe dozat e AstraZeneca.
“7020 doza vaksinash vijnë sot nga kontrata me Pfizer, është e treta e një serie furnizimesh që nuk do të ndërpriten, sepse ne do të vazhdojmë të lëvizim çdo gurë, për të siguruar vaksinimin e popullatës. Siç lidhëm kontratën me Pfizer, do të vijojmë më Covax, pra me dozat e AstraZeneca, që janë dhe pritet që të vijnë me përfundimin e procedurave të Covax”.
“Po punojmë gjithashtu për lidhjen e marrëveshjeve direkte me shtete partnere për të siguruar edhe më shumë doza vaksine”, shtoi më tej Manastirliu./tvklan.al
