Gjirokastra u bë mikpritëse e trupës artistike të Ansamblit Kombëtar të Këngëve dhe Valleve Popullore.
Në performancën e tyre, artistët sollën për publikun vendas dhe të huaj vlerat e jashtëzakonshme të folklorit shqiptar dhe trashëgimisë tonë kulturore.
Ky aktiviteti i dha një tjetër natë të magjishme zonës në pazarin karakteristik të Gjirokastrës dhe në sheshin “Çerçiz Topulli” duke tërhequr vëmendjen e turistëve të huaj që janë të shumtë gjatë muajit Gusht.
Artistët tregojnë emocionet që kanë sa herë që kthehen për të performuar për publikun gjirokastrit dhe interesin e shtuar të turistëve për trashëgiminë tonë kulturore.
Aktivitetet kulturore në zonën muzeale të këtij qyteti do të vijojnë edhe gjatë Shtatorit.
Ngjarjet kulturore në Gjirokastër kanë bërë që gjatë sezonit të verës edhe turistët të mos ngurojnë të bëhen pjesë aktive e tyre duke mësuar nga trashëgimia jonë dhe kthyer në promovuesit më të mirë të qytetit të gurtë dhe Shqipërisë në botë.
Klan News