Jep dorëheqjen ministri italian i kulturës Gennaro Sangiuliano.

Ai i ka dërguar një letër kryeministres Giorgia Meloni ku e falenderon për mbështetjen dhe jep dorëheqjen në mënyrë zyrtare.

62-vjeçari e gjente veten në një zhurmë të madhe mediatike pasi ai emëroi ish-të dashurën Maria Rosaria Boccia si këshilltare të tij.

Ai fillimisht mohoi thashethemet, por në një intervistë  për televizionin shtetëror të mërkurën, Sangiuliano pranoi lidhjen me Boccia dhe punësimin e saj si konsulente pa pagesë.

Ministri italian i kërkoi falje gruas së tij në intervistën e së mërkurës dhe pretendoi se ai e kishte ndërprerë  romancën me  bukuroshen bionde gjatë verës.

Ai tha se e takoi për herë të parë në Napoli në maj, përpara se miqësia e tyre të shndërrohej në një marrëdhënie sentimentale.

Ajo çfarë shkaktoi zemërimin e publikut ishin  fotot e postuara në llogarinë e saj, ku Boccia dokumentoi udhëtime të shumta me Sangiuliano në vizitat e tij zyrtare, duke shkaktuar pyetje nëse paratë e shtetit janë shpenzuar për udhëtimin apo akomodimin e saj.

Ministri mohoi se fondet publike janë shpenzuar për Boccia.Ai tha gjatë intervistës   për televizionin shtetëror se “asnjë euro” nuk ishte shpenzuar për udhëtimet e ish-partneres. Ai paraqiti dokumente të cilat  tregonin se kishte qenë vetë  ai kishte paguar për shpenzimet e ish-të dashurës.

Klan News