Lajme Arkiva 2004

Ministri i  Rendit Publik Igli Toska ka  ndjekur me vëmendjen e merituar deklaratat në media të disa zyrtarëve dhe të ish zyrtarëve të policisë së shtetit si edhe të ndonjë të interesuari.

Kështu niste njoftimi për shtyp i Ministrisë së Rendit, por ndërsa gazetarët prisnin të mësonin shkaqet e vërteta dhe transparencën e ligjeve, njoftimi kthehet në një akt-akuzë për kryekomisarin Pjerin Ndreu.

Madje veç akuzave Ndreu kërcënohet edhe për faktin pse ka folur publikisht. Në mënyrë krejt absurde institucioni i Ministritë së Rendit, kërcënon personalisht qytetarin Ndreu.

Nëse është rihapur dosja penale ndaj  Ndreut, nuk është detyrë funksionale e zëdhënësit të Ministrisë së Rendit, të pohoj këtë, por e prokurorisë. Policia ka detyrë vetëm të denoncojë, por jo të jap vendim.

Është kthyer tashmë në modë që ministria e Rendit reagon sa herë që kritikohet metoda e drejtimit. Përse nuk hetoi Igli Toska Ndreun kur ai ishte në detyrë, por kur  ai dha  dorëheqjen?

Të gjithë oficerët madhor të cilët për fatin e tyre të keq kanë qenë drejtues të operacionit të famshëm puna, tashmë janë pa punë, njëlloj si  trafikantët që gjithashtu janë të lirë.

E pikërisht për këtë koincidencë, opinioni kërkon transparencë për lëvizjen e Toskës pa llogaritur informacionet që vijnë sipas të cilave lëvizjet tani bëhen mbi baza personale, nepotike e rrjedhimisht të rrezikshme, në ndonjë rast edhe pasoja e hakmarrjes personale të Toskës./tvklan.al