Lajme Arkiva 2004

Deputeti është pjesëmarrës, emrin e ka marrë nga debutues  në një sallë apo parlament mbi shqetësimet e atyre që e zgjodhën, por te ne debutuesi i çdo zone është vetëm fasadë.

Zyra për Mbrojtjen e Qytetarëve këtë herë kërkon nga banorët e Gjirokastrës t’ju japi një kopje të faturave të dritave dhe telekomit deputetëve të tyre. Ata duhet  të flasin për këtë problem.

Sipas juristit që drejton zyrën Kreshnik Spahiut, parulla e KESH-it, paguaj  që ta kesh në Gjirokastër nuk ka kuptim. Këtu paguajnë faturat dhe drita nuk ka.

Andrea Stefani:“Nuk mund të ketë reformë e cila dënon në pafundësi qytetarët e  vetë, të një vendi me sakrifica të pafundme. Kjo është ajo që ne kundërshtojmë në politikën e sotme të qeverisë”.

Kërkohet zgjimi i protestës qytetare pasi zyra do të vazhdojë betejën me gjykatën dhe entin rregullator të energjisë. Zyra mbështet mendimin e ekspertëve të Akademisë së Shkencave për çështjen e dritave. Në mbrojtje të interesave të  shpërfillura të qytetarëve janë vënë intelektualë, artistë, studentë që duan të tundin indiferentët e administratës./tvklan.al