Një katërshe arbitrash shqiptarë do të vendosin drejtësi në sfidën mes Ludogorets dhe Dinamo Minsk, e vlefshme për turin e dytë kualifikues në Champions League.

Eldorjan Hamiti do të jetë kryesor, në përballjen që do të luhet në Bullgari.

Asistentë në këtë takim, do të jenë dy gjyqtarët anësorë, Ilir Tartaraj dhe Emigers Gançi. Edhe në VAR, do të jetë një tjetër shqiptar, Erjon Bastari.

Ndeshja është planifikuar të luhet të mërkurën e 24 korrikut, duke nisur nga ora 20:00.

Si Ludogorets, ashtu edhe Dinamo Minsk, synojnë kalimin më tej dhe për këtë arsye pritet të jetë një përballje delikate. /tvklan.al