Dokumentacioni i 1600 personave që përfitojnë pensionet e parakohshme pasi kanë punuar në minierë rezulton të jetë i falsifikuar. Gjatë një kontrolli të ushtruar nga Instituti i Sigurimeve Shoqërore në listat e përfituesve të pensioneve të parakohshme ka rezultuar se këta individë kanë emrin edhe në miniera edhe në kooperativa, ndaj të gjitha do të verifikohen.

Ali Emini: “Qëllimi i qeverisë dhe i fondeve që vendos çdo vit qeveria është që të mbështesim me të ardhura ata persona që realisht kanë plotësuar kushte të caktuara, që realisht kanë punuar në miniera, që kanë kontribuar në ato miniera, ose kanë punuar në ato miniera mbi 11 vjet e gjysmë. Por në asnjë mënyrë  do me thënë duke pasur një shteg trajtimi për njerëz që me tërë mend e meritojnë të mund të trajtohen dhe persona të tjerë të cilat modifikojnë dokumente. Kështu që rikontrolli ka konstatuar rreth 1600 raste të trajtimeve të veçanta të minatorëve me probleme.”

Procesi i verifikimit të listave të pensioneve të parakohshme në të gjithë vendin  po kalon në sitën e institutit të sigurimeve shoqërore, në mënyrë që asnjë person të mos përfitojë pension të padrejtë./tvklan.al

Gazetare: Brunilda Cami