Lajme Arkiva – TV Klan 2000

Në Librazhd, Përrenjas e Cërrik, kryesocialisti Nano dhe Ministri i Pushtetit Lokal, Bashkim Fino, prezantuan kandidatët socialist për kryetar të komunave dhe bashkive. Socialistët tha Nano, do ta vënë pushtetin lokal në shërbim të qytetarëve, sepse në këto katër vjet, demokratët abuzuan me fondet e qeverisë.

Fatos Nano, Kryetar i PS:- “Sot edhe këtu në Librazhd, PD zotëron 86% të pushtetit lokal, por është përgjegjëse për 99% të tentativave për të destabilizuar vendin, për të frenuar zhvillimin ekonomik, për të sjellë sërish piramida dhe izolim nga partnerët ndërkombëtar. Prandaj motra e vëllezër, vota juaj më 1 Tetor, do t’i thotë ndal çdo tentative të Sali Berishës, për të ndalur rrugën tonë drejt Europës”./tvklan.al

Gazetar – Vladimir Lame