Lajme Arkiva 2004

Drejtoria  e Policisë së Tiranës ka shpëtuar gjatë tre muajve 10 vajza nga trafikimi dhe shfrytëzimi për prostitucion.

Drejtori i Policisë së Tiranës  Albert Dervishi është shprehur në fund të tre mujorit se goditja e trafikut të qenieve njerëzore dhe në veçanti femrave, ka qenë një nga angazhimet kryesore të punës së bluve në muajt e parë  të 2004.

Drejtori i Policisë Tiranë Albert Dervishi: Gjatë këtyre tre muajve, nga ndjekja e këtij trafiku janë evidentuar  8 raste të veprave penale të mësipërme, janë shpëtuar 10 femra nga trafikimi dhe janë ndjekur penalisht 13 autor. Në kuadër të punës pirr goditjen e bazës së këtyre trafiqeve janë sekuestruar 2 motele të cilat përdoreshin për ushtrim prostitucioni etj.

Gjatë muajve që vijnë drejtori Dervishi rendit goditjen për trafikun dhe vjedhjen  e makinave si element  kryesor të punës ndërsa masa të forta sigurie janë marrë edhe në komisariatin në Rinas, në kuadër të planit anti-terror, si dhe për kapjen e personave në kërkim që kërkojnë  të lëvizin nga kjo pikë kalimi./tvklan.al