Taylor Swift nuk e mbështet Donald Trump si kandidat për president të SHBA-së.
Një burim i afërt pranë këngëtares thotë për mediat e huaja se artistja e njohur mbështeti demokratët në vitin 2020 dhe kritikoi Trump gjatë kohës kur ai ishte në krye të Shtëpisë së Bardhë.
Këto reagime vijnë pasi vetë ish-kreu i Shtëpisë së Bardhë ndau në rrjetet e tij sociale foto të këngëtares të krijuar nga inteligjenca artificiale ku u bënte thirrje përdoruesve të votonin për Trump.
Avokatët në industrinë e muzikës, Hollywood dhe Uashington kanë bërë presion për masa të tjera më të rrepta ligjore për të luftuar përhapjen e imazheve të rreme të krijuar nga inteligjenca artificiale e që përhapen më pas në internet.
Disa nga fansat e Swift u mobilizuan për të mbështetur fushatën elektorale të Kamala Harris. Nëse ajo fiton zgjedhjet ajo do të behët presidentja e parë grua në SHBA.
Klan News