Janë asgjësuar 2848 bimë kanabisi në disa terrene malore të Shkodrës. Sipas bluve, është shpallur në kërkim një 48 vjeçar për kultivimin e 74 bimëve narkotike në vendin e quajtur “Lugu i thive”.
“Si rezultat i kontrolleve në terrene shumë të vështira malore, asgjësohen 2848 bimë cannabisi. Identifikohet dhe shpallet në kërkim autori i dyshuar i kultivimit të 74 prej këtyre bimëve, në vendin e quajtur “Lugu i thive”. Në kuadër të megaoperacionit kombëtar “Territor i pastër”, kundër kultivimit të bimëve narkotike, Drejtoria Vendore e Policisë Shkodër dhe komisariatet në varësi të saj, kanë vijuar intensivisht kontrollet në terrene shumë të vështira malore në të gjithë territorin e qarkut, me qëllim konstatimin dhe goditjen e rasteve të kësaj veprimtarie kriminale.
Gjatë kësaj faze të megaoperacionit: -shërbimet e Komisariatit të Policisë Shkodër identifikuan dhe shpallën në kërkim shtetasin Gj. Sh., 48 vjeç, pasi dyshohet se ka kultivuar 74 bimë cannabisi, në vendin e quajtur “Lugu i thive”. Punohet për kapjen e 48-vjeçarit. Gjithashtu, këto shërbime gjetën dhe asgjësuan në territoret e njësive administrative Pult, Shosh dhe Postribë, 1986 bimë të tjera cannabisi; -shërbimet e Komisariatit të Policisë Malësi e Madhe gjetën dhe asgjësuan në territorin e njësisë administrative Shkrel, 508 bimë cannabisi, shërbimet e Komisariatit të Policisë Vau i Dejës gjetën dhe asgjësuan në territorin e njësisë administrative Shllak, 182 bimë cannabisi, shërbimet e Komisariatit të Policisë Pukë gjetën dhe asgjësuan në territorin e njësisë administrative Luf-Qerret, 98 bimë cannabisi”, njofton Policia./tvklan.al