Lajme Arkiva 2003

Prej ditës së nesërme në unazën e Tiranës nuk do të qarkullojë më fugonit taksi që deri më tani kanë kryer shërbimin në urbanet e linjës. Bashkia e Tiranës prej ditës së nesërme do të vendosë në shërbim të qytetarëve në linjën e unazës rreth 35 autobusë. Linja e unazës është një nga linjat më të ngarkuar ame pasagjerë dhe prej më tepër se 4 vjetësh paralelisht me autobusët në këtë linjë kanë punuar edhe fugonit taksi.

Është folur disa herë për daljen nga qarkullimi i tyre pasi duke ndaluar vend e pavend krijonin probleme në trafik për gjatë gjithë unazës. Ndërkohë që nga Bashkia thuhet se që prej ditës së nesërme në linjën e unazës nuk do të punojnë më fugona taksi, shoferët e tyre thonë se nuk janë njoftuar për një gjë të tillë dhe do të vazhdojnë punën.

Shoferi: S’na ka lajmëruar njeri letrat e bashkisë i kemi në rregull.

Shoferi: Kemi dalë në punë, s’kemi marrë vesh gjë.

Gazetarja: Edhe nesër do të dilni në punë?

Shoferi: Po, s’di gjë për ndalim.

Shoferi: Nga bashkia nuk kemi marrë ndonjë njoftim, por dimë që kanë ardhur autobusa.

Gazetarja: Nesër ju do të vazhdoni punën normalisht?

Shoferi: Nesër në qoftë se ata na bllokojnë, natyrisht që do bllokohemi.

Shoferi: S’na kanë lajmëruar. Ne jemi me licencë. Afati është deri në fund të Marsit i licencës.

 Aktualisht në linjën e unazës së kryeqytetit punojnë rreth 100 fugona taksi që duket se sot për herë të fundit kanë kryer shërbimin urban në këtë linjë./tvklan.al