Këto janë pamjet e plagosjes me armë të 45-vjeçarit Lorenc Kosta, ngjarje e ndodhur në zonën e Komunës së Parisit në Tiranë ditën e hënë (19 Gusht 2024).
Në këto video të kamerave të sigurisë, të siguruara nga gazetari i Klan News Besar Bajraktari, duket momenti kur 45-vjeçari Kosta ecte në këmbë në trotuar. Aty mbërrin me makinë private punonjësi i policisë, Erjon Goxhara 46 vjeç. Ky shkon drejt Kostës dhe nis ta qëllojë disa herë me pistoletë në drejtim të këmbëve.
Më pas arratiset me shpejtësi.
Ndërsa 45-vjeçari mbeti i plagosur në trotuar. Atij ju ofrua ndihma e parë nga kalimtarë të rastit dhe forcat e policisë që mbërritën në vendngjarje. Lorenc Kosta u dërgua në spital dhe ndodhet jashtë rrezikut për jetën.
![](https://tvklan.al/wp-content/uploads/2024/08/plagosja-komune2.jpg)
![](https://tvklan.al/wp-content/uploads/2024/08/plagosja-komune-1-1024x737.jpg)
![](https://tvklan.al/wp-content/uploads/2024/08/plagosja-te-komuna-parisit-ok-1.jpg)
![](https://tvklan.al/wp-content/uploads/2024/08/plagosja-te-komuna-parisit-ok.jpg)
Konflikti mes Kostës dhe punonjësit të policisë ishte personal. Mendohet se shkaqet kanë të bëjnë me dyshime për një lidhje jashtëmartesore.
Policia e Tiranës bën me dije se Goxhara akuzohet për vrasje me paramendim e mbetur në tentativë dhe armëmbajtje pa leje.
Aktualisht, punonjësi i Drejtorisë së Kufirit në Tiranë është në kërkim dhe ndaj tij është vendosur shpërblim 10 mijë Euro për këdo që jep informacione.
/tvklan.al