Kryeministri i vendit, Edi Rama ka mbledhur për rreth 1 orë e 20 minuta kryebashkiakët dhe drejtuesit e qarqeve në Pallatin e Kongreseve.

Gazetari i Klan News, Enkel Xhangoli raporton se në fokus të kësaj mbledhje me dyer të mbyllura kanë qenë strategjitë për përgatitjen e fushatës për zgjedhjet 2025.

Të dielën e 8 Shtatorit, Edi Rama bëri publikë emrat e drejtuesve politikë të PS në qarqe. Në Qarkun e Tiranës ra në sy shtimi i dy emrave të tjerë, Spiropalit dhe Manastiriliut.

Ndërkohë, të shtunën e kaluar, PS mblodhi Asamblenë e Tiranës, ku i pranishëm ishte edhe kryeministri Edi Rama, si dhe drejtuesit politikë të qarkut, Erion Veliaj dhe Ogerta Manastirliu.

Mësohet se kreu i socialistëve u ka kërkuar angazhim maksimal anëtarëve dhe intensifikim të komunikimit me qytetarët. Rama ka kërkuar që strukturat e partisë t’u ofrojnë mbështetje të rinjve që duan t’i bashkohen kësaj force.

Emrat e drejtuesve të qarkut:

Tiranë – Elisa Spiropali, Erion Veliaj dhe Ogerta Manastirliu

Durrës – Emirjana Sako

Shkodër – Benet Beci

Lezhë – Ulsi Manja

Dibër – Blendi Gonxhe

Kukës – Pandeli Majko

Elbasan – Arbjan Mazniku

Fier – Belinda Balluku

Korçë – Niko Peleshi

Gjirokastër – Mirela Kumbaro

Berat – Ervin Demo

Vlorë – Bledi Çuçi

Për Diasporën – Taulant Balla

/tvklan.al