Në prag të nisjes së Lojërave Olimpike ditën e sotme, gjatë natës është bërë  e ditur se është sulmuar rrjeti hekurudhor SNCF i shpejtësisë së lartë.

Sipas informacione nga autoritetet lokale thuhet se sulmi është bërë nga “akte keqbërësish” të cilët kanë për qëllim bllokimin e këtij sistemi transporti.

Pas këtij kaosi të krijuar ka reaguar menjëherë ministri i Transportit, i cili dënon këto sulme të quajtura sipas tij “akte kriminale”.

“Veprime dashakeqe të bashkërenduara shënjestruan disa linja TGV mbrëmë dhe do të ndërpresin trafikun deri në fundjavë. Unë i dënoj fuqishëm këto veprime kriminale që do të rrezikojuni largimet për pushime të shumë francezëve,” ka shkruar në postimin e tij ministri Patrice Vergriete.

Ndërkaq ai falënderoi stafin e SNCF të cilët janë në përpjekje të vazhdueshme për të rivendosur në punë sistemin e transportit hekurudhor sa më shpejt të jetë e mundur.

/tvklan.al