Lajme Arkiva 2004

Gazetarja: Çfarë mendoni për faktin se për herë të parë një i huaj thirret për të  dëshmuar në një komision parlamentar hetimor?

Stefanos Oktapodas: Unë jam shumë i nderuar duke qenë pjesë e një procesi demokratik. Si një kompani shqiptare ne nuk kemi asgjë për të fshehur dhe jemi transparent kundrejt gjithë autoriteteve e aq më tepër parlamentit.

Gazetarja: Kohët e fundit ka pasur shumë diskutime mbi marrëveshjet e interkonjuksionit,cila është pikëpamja juaj?

Stefanos Oktapodas: Pikëpamja jonë është shumë e thjeshtë dhe logjike, marrëveshje e interkonjuksionit është një marrëveshje që rregullon marrëdhëniet mes dy kompanive ku palët bien dakord se si të ndajnë të ardhurat nga fluksi i thirrjeve, që do të thotë se është një marrëveshje shumë fitimprurëse për të dy palët e angazhuara në marrëveshje një gjë e  tillë ka të bëjë me kostot dhe shpenzimet.

Gazetarja: Sipas disa analistëve Albtelekom është  dëmtuar financiarisht nga këto marrëveshje të iterkonjeksionit.

Stefanos Oktapodas: Askush nuk ka kërkuar informacionet te AMC-ja për këtë. Ne jemi të hapur të ndihmojmë çdo qeveri, pop kështu nëse do të shikoni sa janë të ardhurat e Albtelekomit  nga marrëveshjet e interkojuksionit do të konkludoni  se sa fitimprurëse ka qenë kjo punë, aq më tepër që në katër vitet  marrëveshjes së Albtelekomit nuk është  zbatuar plotësisht sepse kanë shmangur deklarimin e tarifave mesatare siç kanë qenë në të vërtetë, prandaj kanë përfituar afro 2 miliardë lekë të reja vetëm për thirrjet kombëtare, pa llogaritur ato ndërkombëtare në bazë të cilave përtimi financiar ka qenë më i lartë se i parashikuar në marrëveshje.

Gazetarja: Kohët e fundit është folur edhe për trafik ilegal të thirrjeve duke përjashtuar kështu nga roli ekskluziv  Albtelekomin.

Stefanos Oktapodas: Ne nuk kemi qenë të përfshirë ë asnjë praktikë ilegale, ne kemi respektuar ligjin  dhe institucionet shqiptare, më leni  t’ju shpjegoj se kur kemi nënshkruar kontratën, parashikohej që eskluziviteti i Albtelekomit me thirrjet ndërkombëtare të  përfundonte në fund të vitit 2002, ndërkohë që kjo datë është shtyrë dy herë. Ne kemi respektuar në çdo rast ligjin dhe autoritetet shqiptare./tvklan.al