5 filma që janë perfektë për këto ditë vere

Deti larg, por temperaturat e larta kanë kapur rekordet. Më e mira që mund të bëjmë pas pune është të rrimë në dhomën e freskët dhe të shijojmë ndonjë film.

Ja pesë sugjerime perfekte:

“Captain Fantastic” (2016)

Ben dhe Leslie rritin gjashtë fëmijët e tyre në një mënyrë aspak të zakontë. Ata jetojnë të izoluar në një pyll dhe mësojnë të mbijetojnë në natyrë pa ndihmën e teknologjisë. Vdekja e Leslie do të përmbysë gjithçka dhe familja do të detyrohet të prekë botën e jashtme, e cila do të kërcënojë ekuilibrin e tyre të brishtë. Një film i këndshëm me shumë mesazhe për stilin e jetës moderne dhe aspektet negative të tij.

“Vicky Cristina Barcelona” (2008)

Dy amerikane udhëtojnë drejt Barcelonës së bukur për të kaluar verën në shtëpinë e një miku. Aty do të takojnë një piktor bohem, i cili do t’i ftojë të kalojnë një fundjavë në shtëpinë e tij. Megjithatë, planet e tyre do të ndryshojnë kur shoqërisë së tyre t’i shtohet edhe ish-partnerja e piktorit. Një romancë e veçantë që ia vlen për t’u parë…

Mrs. Harris Goes to Paris (2022)

Zonja Harris është një pastruese britanike që jeton në Londër dhe ka një ëndërr të madhe: Të blejë një fustan “Dior”. Ajo kursen shumë dhe përpiqet në çdo mënyrë të mbledhë para për udhëtimin e saj në Paris. Rrobat e bukura, peisazhet dhe performancat e ngrohta janë të gjitha të përfshira në film.

“Ticket to heaven” (2022)

Shumë herë prindërit kanë ëndrra për fëmijët e tyre dhe këta vendosin të ndjekin gjithsesi rrugën që duan. Kështu ndodh edhe në komedinë romantike ku një vajzë e re udhëton në një destinacion ekzotik dhe vendos të lërë studimet për t’u martuar. Megjithatë, prindërit e saj do ta kundërshtojnë dhe do të bëjnë gjithçka që munden për t’i dhënë fund kësaj marrëdhënieje. Me George Clooney dhe Julia Roberts, ky film s’duhet humbur!