Kreu i Partisë Demokratike, Lulzim Basha, ishte në Elbasan këtë të hënë. Ai tha se ky qytet është vendi më i përshtatshëm për të uruar gjimnazistët për provimin e parë të maturës që janë duke zhvilluar sot.

E teksa sfida e tyre është për të dalë mirë në provime, ajo e Bashës është sigurimi i një të ardhmeje për karrierën e tyre dhe jo vetëm.

“Sfida juaj është të dilni sa më mirë në këto provime. Sfida jonë është t’ju dhurojmë një të ardhme sa më të sigurtë në karrierën tuaj të mëtejshme në universitete dhe t’ju sigurojmë një ekonomi që punon për ju dhe t’ju japë vende pune dhe sa më pak stres dhe mundime për prindërit tuaj”, tha Basha.

Rreth 32 mijë maturantë janë ulur në bankat e shkollave sot për t zhvilluar provimin e maturës shtetërore për gjuhën e huaj.

Ky test bëhet ndryshe nga vitet e kaluar për shkak edhe të situatës së krijuar nga pandemia e koronavirusit./tvklan.al