Futbollisti me origjinë shqiptare, Brajan Gruda, mund të vazhdojë karrierën në Premier League në Angli.

Sulmuesi anësor, është në listën e dëshirave të Brighton. Paraqitjet e shkëlqyera me Mainz në Gjermani, kanë bërë që në gjurmët e futbollistit të vihen disa klube.

Sipas ekspertit të merkatos, Fabrizio Romano, Gruda pëlqehet shumë nga Brighton, me drejtuesit e klubit anglez, që do të tentojnë ta afrojnë në këtë merkato vere.

Megjithatë, arritja e një marrëveshje nuk do të jetë e lehtë. Mainz kërkon të paktën 20 milionë euro për shërbimet e Grudës, shifër e lartë për arkat e Brighton.

Në të kaluarën, emri i sulmuesit është lidhur edhe me klube të mëdha, si Liverpool, Bayern Munich apo edhe kampionët e Gjermanisë, Bayer Leverkusen.

Gruda ishte një dëshirë edhe e trajnerit Silvinjo, që dëshironte ta kishte nën urdhrat e tij te Shqipëria, por nuk ia doli dot. 20-vjeçari duket se ka zgjedhur të përfaqësojë Gjermaninë, teksa u stërvit me kombëtaren e “pancerave”, pak ditë para fillimit të Europianit. /tvklan.al