Partia Demokratike do të fillojë mitingun ditën e enjte në sheshin “Skënderbej” me ose pa lejen e policisë. I vetmi prekuopim i saj është të mbledhë sa më shumë njerëz. Këtë deklaroi zëdhënësi i selisë blu Edi Paloka ku tha se nuk i marrim leje kësaj qeverie që i shkel çdo ditë ligjet. Demokratët kanë deklaruar se do të nisin mitingjet duke i vazhduar ato deri në një kohë të papërcaktuar.

Sipas zëdhënësit Paloka pas mitingut të ditës së enjte, demokratët nuk do të dalin në shesh deri në përfundim të zgjedhjeve në Kosovë. Më pas PD do të vazhdojë protestat në bazë të një grafiku që ende nuk është hartuar. Sipas Palokës, këto protesta do të jenë të përhershme deri në përmbysjen e këtij pushteti dhe rikthimit të votës së lirë për qytetarët shqiptarë./tvklan.al