Clement Lenglet është lojtari më i ri i Atletico Madrid. Mbrojtësi është larguar nga Barcelona dhe do të luajë te madrilenët i huazuar për një sezon.

Drejtuesit e Atletico-s ishin prej kohësh në kërkim të një mbrojtësi me këmbën e majtë dhe atë duket se e kanë gjetur brenda kampionatit.

Në dy sezonet e fundit, 29-vjeçari ka luajtur në Premier League, aty ku ka qenë i huazuar fillimit te Tottenham dhe më pas tek Aston Villa.

Francezi nuk ishte në planet e trajneri Hansi Flick dhe për këtë arsye vendosi të ndryshojë ambient, duke kaluar nën urdhrat e trajnerit Simeone.

Lenglet do të rikthehet te Barcelona në fund të sezonit, pasi ka kontratë me katalanasit deri në verën e vitit 2027.  /tvklan.al