Donald Trump po planifikon të rifillojë tubimet në stilin e fushatës parazgjedhore, për të rritur mbështetjen në pretendimet e tij të pabazuara se zgjedhjet në SHBA u vodhën prej tij. Edhe pse është bërë e ditur se në prapaskena janë vet këshilltarët e tij dhe avokati personal, që nuk e mbështesin plotësisht. Stafi i Trump ka dyshime rreth asaj se çfarë duhet bërë dhe ka mendimin se ndoshta ai thjesht duhet të pranojë humbjen.
![](https://tvklan.al/wp-content/uploads/2020/11/https___d1e00ek4ebabms.cloudfront.net_production_a844d0cf-23e4-4f64-80af-e030de880030.jpg)
Gjatë natës së kaluar Presidenti në ikje Donald Trump, ka publikur në Twitter një varg klipesh të Fox News në të cilat ishte diskutuar një nga pikat që Trump e cilëson si kryesore, atë që mediat e lajmeve nuk duhet të deklarojnë për një fitues. Mediat historikisht, kanë ndjekur procesin e votimit në zgjedhje, kanë bërë parashikimet dhe kanë shpallur fituesin. E njejta kishte ndodhur edhe në vitin 2016, kur agjencia Associated Press ka shpallur Trump si President ne orët e para të mëngjesit, menjëherë pas mbylljes së votimit.
![](https://tvklan.al/wp-content/uploads/2020/11/5fa80f2b1df1d500182197a0.jpg)
Nderkohë që, Trump po vazhdon më përpjekjet e tij për mospranimin e rezulatateve, Joe Biden, do të mbajë sot një takim më ish-zyrtarë të lartë për të diskutuar rreth Covid-19. Ai dhe Kamala Harris e kanë vlerësuar koronavirusin si një nga katër çështjet kryesore që do t’iu adresohen gjatë kalimit të tyre në pushtet./tvklan.al