Lajme, #edicioniinformativ ora 19:30 data 13 Qershor 2024 #TvKlan #KlanLajme

Spiker: Redi Prifti

Headlines 13 Qershor 2024

Vetëm 1 ditë nga nisja e “Euro 2024”. Kombëtarja, e fokusuar për sfidën me Italinë

Na ndan vetëm 1 ditë nga nisja e Kampionatit Europian, që do të transmetohet ekskluzivisht në Tv Klan. Kombëtarja mbetet e fokusuar tek sfida e së shtunës me Italinë. Trajneri Silvinjo uli sot intensitetin e stërvitjes që futbollistët të ruajnë energjitë.

Ngrihen dy “Fan Zone” të mëdha në Tiranë për të përjetuar emocionet e “Euro 2024”

Ende pa nisur atmosfera e Europianit ka përfshirë edhe Tiranën. Emocionet e kombëtares do të përjetohen edhe në dy “fan zone” të mëdha që po ngrihen nga bashkia në sheshin “Skënderbej” dhe stadiumin “Selman Stërmasi” në Tiranë.

Ilir Meta, 3 orë në SPAK për lobimin dhe hetimin pasuror. Kreu i “PL” sulmon Altin Dumanin

Presidenti i Partisë së Lirisë, Ilir Meta u pyet sot nga SPAK për më shumë se 3 orë për çështjen e kontratave të lobimit në SHBA dhe verifikimit të pasurisë. Ai nuk u kurseu akuzat ndaj Altin Dumanit duke e quajtur një “njeri që i shërben Ramës”.

Lehtësi për pagesat e shqiptarëve në BE. BSH aplikon për anëtarësim në “SEPA”

Banka e Shqipërisë dorëzon aplikimin për t’u bërë pjesë e zonës gjeografike “SEPA”. Anëtarësimi në këtë organizatë do t’u mundësojë qytetarëve dhe bizneseve shqiptare më shumë lehtësi dhe më pak kosto në sistemin e pagesave të BE-së.

Gjysma e punonjësve shqiptarë, të stresuar. Sondazhi i Gallup, 42% kërkojnë një punë të re

Një sondazh i “Gallup” vëren se gati gjysma punonjësve shqiptare janë të stresuar. Ekspertët e lidhin këtë me mënyrën e organizimit të punës dhe pagat. Më të stresuarit në Europë janë punëtorët në Qipro ndërsa më pak ata në Danimarkë.

G7 mblidhet në Itali për Ukrainën e Gazën. Për herë të parë merr pjesë edhe Papa

Nisi sot në Itali, samiti i G7-ës. Në fokus janë konfliktet në Ukrainë e Gaza si dhe kriza e emigrantëve. Papa Françesku do të jetë i pari lider i Vatikanit që do të marrë pjesë në një samit të tillë ku do të flasë për inteligjencën artificiale dhe abortin.

/tvklan.al