Një aksident i rëndë me pasojë vdekjen ka ndodhur mbrëmjen e sotme rreth orës 20:00 në aksin Maminas – Gjiri i Lalëzit, ku një vajzë 8 vjeçe është përplasur për vdekje.
Viktima është me iniciale S.S. nga Sllovakia. Sipas policisë, 8-vjeçarja ndërroi jetë në spital si pasojë e përplasjes së fortë. Makina drejtohej nga 18-vjeçari G.GJ., i cili është shoqëruar në Policinë e Durrësit për t’u pyetur në lidhje me rrethanat.
Njoftimi i Policisë Durrës:
Rreth orës 20:00, në segmentin rrugor Maminas-Gjiri i Lalësit, një automjet me drejtues shtetasin G. Gj., 18 vjeç, ka përplasur një shtetase minorene S. S., 8 vjeçe, nga Sllovakia. Si pasojë e përplasjes 8 vjeçarja ka humbur jëtën në spital.
Drejtuesi i automjetit është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.