Dukesha e Sussex, Meghan Markle, është rikthyer në Kanada për tu bashkuar me djalin e saj, Archie, ndërsa bashkëshorti i saj Princ Harry po përpiqet të mbajë nën kontroll familjen Mbretërore.
![](https://tvklan.al/wp-content/uploads/2020/01/23214364-7870677-The_Daily_Mail_has_learnt_that_Meghan_returned_to_North_America_-m-75_1578620613649.jpg)
Largimi për në Kanada vjen vetëm dy ditë pasi Harry dhe Meghan bënë njoftimin e befasishëm se do të largohen nga rolet e tyre mbretërore dhe do të bëhen të pavarur financiarisht.
Pas një qëndrimi gjashtë-javor në Vancouver gjatë periudhës së festave, çifti kanë vendosur të ndajnë kohën e tyre duke jetuar mes Mbretërisë së Bashkuar dhe Amerikës së Jugut, duke vijuar me planet e tyre për të ardhmen.
![](https://tvklan.al/wp-content/uploads/2020/01/PRI_1175838122.jpg)
Një zëdhënës ka konfirmuar se Meghan është rikthyer në Kanada për t’u kujdesur për djalin e saj tetë muajsh, i cili qëndroi me një dado ndërsa prindërit e tij fluturuan për në Mbretërinë e Bashkuar për të dhënë lajmin, që u prit “si bombë” nga familja.
Një burim i afërt i Pallatit, tha se vendimi i tyre kishte “dëmtuar” dhe zhgënjyer familjen dhe se Mbretëresha kishte porositur të katër familjet mbretërore të gjejnë një “zgjidhje” të shpejtë “brenda disa ditësh dhe jo javësh”.
Burimi i Pallatit të Buckingham tha se familja mbretërore po vepron me nxitim për të gjetur një zgjidhje sa më parë lidhur me situatën që çifti ka krijuar. /tvklan.al