Paraqitja e Italisë në Europian, ishte një nga temat e diskutimit në emisionin “Kampionët” në Tv Klan.

Sipas menaxherit Sokol Haxhia, niveli i kampionatit italian nuk është më si në të kaluarën dhe kjo ndikon në kombëtare.

Kundër kësaj, ishte aktori Kastriot Çaushi, i cili deklaroi se Italia, së bashku me Gjermaninë, ishin shtetet e vetme, që dërguan gjashtë ekipe në Champions League

Pjesë nga biseda:

Haxhia: Të një farë niveli janë Donnarumma, Barella dhe Chiesa. Në 10 vitet e fundit, kampionati italian nuk është më ai elitari, janë parakaluar nga Anglia, Spanja…

Çaushi: Jam absolutisht kundër. Është i vetmi vend, që bashkë me Gjermaninë, nxorën nga 6 ekipe në Ligën e Kampioneve, për atë që treguan në Europë.

Haxhia: Shihet te lojtarët, ku preferojnë të shikojnë. Shikohet edhe te kupat e fituara. Të shkosh në finale dhe të dalësh i dyti…

Çaushi: Interi doli në finale vjet.

Haxhia: Sa vjet ka që nuk fiton Champions League një skuadër italiane?

/tvklan.al