Spanja siguroi kalimin e grupit në Europian. Kombëtarja iberike, triumfoi minimalisht ndaj Italisë, në një ndeshje të dominuar nga fillimi deri në fund.
Skuadra e drejtuar nga De la Fuente, iu fal një autogoli nga Calafiori, për të marrë 3 pikë shumë të rëndësishme.
Ky sukses e mban Spanjën në vendin e parë në Grupin B, me 6 pikë dhe zyrtarisht siguron pjesëmarrjen në fazën e 1/16-ve.
Sfida e radhës për kombëtaren spanjolle do të jetë ndaj Shqipërisë, më 24 qershor, e cila transmetohet ekskluzivisht në Tv Klan, ashtu si të gjitha sfidat e Euro 2024.
SPANJË–ITALI 1-0
Calafiori 55′
Ndeshja minutë pas minute:
Mbyllet sfida!
90+5’- Laporte shpëton një aksion të rrezikshëm, pas pasimit të Bastonit në zonë.
90+2’- Përsëri vendimtar portieri i Italisë, që i mohon edhe një herë tjetër golin Perez. Sulmuesi gabon i vetëm me Donnarumman.
90+1’– Donnarumma i mohon golin Perez, nga një gjuajtje në zonë, duke mbajtur italianët në lojë.
Akordohen 4 minuta shtesë!
86’- Momente tensioni në zonën e Spanjës, pas goditjes së këndit për Italinë. Gjyqtari kërkon të qetësojë lojtarët.
82’- Spalletti bën lëvizjen e fundit. Në fushë futet Raspadori, në vendin e Pellegrini.
81’- Spanja nuk i ndal sulmet. Ferran Torres kroson në zonë, aty ku gjen mbrojtësin Laporte, që provon me kokë, por shkon jashtë.
74’- Pellegrini provon nga goditja e dënimit, topi shkon mbi tranversë.
71’- Nico Williams nuk ka fatin me vete. Sulmuesi nuk i beson syve, teksa sheh gjuajtjen e tij të ndalet nga tranversa.
69’- Le Normand ndëshkohet me karton të verdhë për ndërhyrje të gabuar ndaj Zaccagni.
66’- Mundësi e mirë për Italinë. Cristante kroson nga e djathta, por Retegui nuk e arrin dot topin, për ta dërguar në rrjetë.
64’– Zëvendësim i dyfishtë te Italia. Scamacca dhe Chiesa, largohen dhe i lënë vendin Zaccagni dhe Retegui.
60’- Yamal i afrohet golit me një predhë nga jashtë zone. Topi shkon ngjitur me shtyllën e majtë.
58’- Vuan Italia! Donnarumma ndal një tjetër gjuajtje të fortë nga Morata.
![](https://tvklan.al/wp-content/uploads/2024/06/spain_v_italy_group_b_-_uefa_euro_2024-1.jpeg)
![](https://tvklan.al/wp-content/uploads/2024/06/spain_v_italy_group_b_-_uefa_euro_2024.jpeg)
![](https://tvklan.al/wp-content/uploads/2024/06/calafiori-autogol.jpeg)
55’- Zhbllokohet sfida! Spanja kalon në avantazh pas një autogoli. Williams kroson në zonë dhe Donnarumma largon topin, që përplaset në këmbën e Calafiorit dhe shkon në rrjetë. Festë te iberikët.
52’- E pabesueshme çfarë rasti ka shpërdoruar Pedri. Mesfushori gabon pas metra larg portës, pas një pasimi të marrë Cucurella në zonë.
46’- Pak sekonda në fushë dhe Cristante ndëshkohet me karton të verdhë, për ndërhyrje të ashpër ndaj Rodrit në mesfushë.
45’- Pjesa e dytë nis me zëvendësime te Italia. Cristante dhe Cambiaso, marrin vendin e Frattesi dhe Jorginho.
Mbyllet pjesa e parë.
45+1’– Karton i verdhë për mesfushorin Rodri, për protesta. Lojtari humbet ndeshjen e radhës ndaj Shqipërisë.
45′- Akordohen 2 minuta shtesë.
44’- Dalje e shpejtë e Italisë nga krahu i djathtë me sulmuesin Chiesa, që provon me të djathtën, por topi shkon mbi traun e portës.
41’- Fabian Ruiz, tenton me një gjuajtje nga jashtë zone, por Donnarumma, priti pa shumë probleme.
39’– Ndërhyrje deçizive e Bastonit ndaj Williams, me sulmuesin që në rast se do të kalonte, do të shfaqej i vetëm me portierin.
36’– I pandalshëm Nico Williams. Sulmuesi i majtë driblon bukur Di Lorenzon dhe fiton goditje dënimi në afërsi të zonës.
28’- Aksion model i Spanjës, me kombinime të bukura në hyrje të zonës. Gjuajta e Rodri, ndalet nga Bastoni.
![](https://tvklan.al/wp-content/uploads/2024/06/dimarco-lamal.png)
![](https://tvklan.al/wp-content/uploads/2024/06/spanje-itali.png)
![](https://tvklan.al/wp-content/uploads/2024/06/ndeshja-spanje-itali.jpeg)
![](https://tvklan.al/wp-content/uploads/2024/06/pedri-pellegrini.jpeg)
![](https://tvklan.al/wp-content/uploads/2024/06/pedri-dhe-chiesa.jpeg)
![](https://tvklan.al/wp-content/uploads/2024/06/italia-spanja.png)
25’- Tjetër pritje vendimtare nga Donnaruma, që këtë herë devijon në goditje këndi, një “predhë” të Ruiz nga jashtë zone.
24’– Donnaruma i mohon golin Spanjës. Portieri i Italisë, ndal një gjuajtje të sulmuesit Morata, pak metra larg portës.
20’- Italia provon të rrezikojë me Dimarcon nga e majta, por pasimi i mbrojtësit në zonë, nuk shfrytëzohet nga shokët e tij të skuadrës.
15’– Ndëshkohet me karton të verdhë Donnarumma, për protesta ndaj gjyqtarit.
14’- Calafiori ndal një gjuajtje të fortë nga Morata, që po i drejtohej portës së mbrojtur nga Donnarumma.
13’- Dimarco hedh një top në zonë, por Le Normade largon pa shumë probleme.
11’- Iluzione goli te Spanja. Williams shpërdoron një mundësi të artë për të shënuar, duke gabuar me kokë, pak metra nga porta.
![](https://tvklan.al/wp-content/uploads/2024/06/rasti.jpeg)
10’- Italia del përpara me sulmuesin Scamacca, pas një pasimi me kokë nga Pellegrini, por gabon në momentin e fundit.
4’– Williams kthehet në problem serioz për italianët. Tjetër shpërthim i sulmuesit nga e majta. Kalon fillimisht Bastonin dhe më pas Jorginhon, por ndalet në momentin e fundit nga Di Lorenzo.
2’- Start i vrullshëm i Spanjës. Pedri i afrohet golit të avantazhit me kokë, pas një krosimi të shkëlqyer të marrë nga Williams nga e majta. Pret bukur Donnarumma, që e largon në goditje këndi.
Starton ndeshja!
![](https://tvklan.al/wp-content/uploads/2024/06/SPANJE-ITALI-NDESHJA-WEB-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h32m14s668-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h32m37s029-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h33m26s213-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h50m25s147-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h50m26s544-1024x576.png)
![](https://tvklan.al/wp-content/uploads/2024/06/vlcsnap-2024-06-20-20h50m33s980-1024x576.png)
![](https://tvklan.al/wp-content/uploads/2024/06/tifozet-spanjolle.jpeg)
![](https://tvklan.al/wp-content/uploads/2024/06/italia.jpeg)
![](https://tvklan.al/wp-content/uploads/2024/06/takohen-morata-dhe-donnarumma.jpeg)
![](https://tvklan.al/wp-content/uploads/2024/06/spanja.jpeg)
![](https://tvklan.al/wp-content/uploads/2024/06/stafi-i-italise-duke-kenduar-himnin.jpeg)
FORMACIONET ZYRTARE:
![](https://tvklan.al/wp-content/uploads/2024/06/WhatsApp-Image-2024-06-20-at-20.34.09-1019x1024.jpeg)
![](https://tvklan.al/wp-content/uploads/2024/06/WhatsApp-Image-2024-06-20-at-20.34.09-1-1021x1024.jpeg)
Spanja: Simon, Carvajal, Le Normade, Laporte, Cucurella, Ruiz, Rodri, Pedri, Yamal, Morata, Williams.
Italia: Donnarumma, Di Lorenzo, Bastoni, Calafiori, Dimarco, Barella, Jorginho, Chiesa, Pellegrini, Frattesi, Scamacca./ tvklan.al