Qeveria e Kosovës është duke përgatitur draft-statutin e Asociacionit të Komunave me Shumicë Serbe në përpjekje të anëtarësimit të saj në Këshillin e Evropës.
Në një letër që ministrja e Jashtme, Donika Gërvalla, i ka dërguar presidentit të Asamblesë Parlamentare të Këshillit të Evropës, ka thënë se draf-statutin do ta dërgojë në Gjykatën Kushtetuese deri në fund të muajit Maj. Pret nga Këshilli i Evropës të përmbush siç thotë detyrimin e saj.
Ambasada gjermane në Prishtinë e konsideron hap të vonuar duke thënë se anëtarësimi i Kosovës në Këshill të Evropës të ishte i suksesshëm duhej që draft-statuti të dërgohet në Kushtetuese para mbledhjes së Komitetit të Ministrave, që po mbahet të enjten dhe të premten.
Por Gërvalla nuk e konsideron të vonuar një hap të tillë.
Lidhja Demokratike e sheh edhe të humbur mundësinë që Kosova të anëtarësohet këtë muaj në Këshillin e Evropës.
Qeveria ka pranuar më herët se themelimi i Asociacionit të komunave me shumicë serbe është vendosur si kusht për pranimin në Këshill të Evropës duke e refuzuar publikisht.
Tv Klan