Shqipëria përballet këtë të hënë në mbrëmje me Spanjën. E konsideruar një ndeshje sa e vështirë, aq edhe e rëndësishme për kombëtaren shqiptare, kjo e fundit do të luftojë për të marrë 3 pikë.
Pikërisht për këtë takim ka reaguar edhe kryeministri Edi Rama, i cili thotë se cilido qoftë rezultati, Kombëtarja jonë do të dalë me kokën lart e me një eksperiencë shumë të çmuar në nivelet më të larta sportive.
“Cilidoqoftë rezultati i ndeshjes me Spanjën, Kombëtarja jonë e re do të dalë me kokën lart e me një eksperiencë shumë të çmuar në nivelet më të larta sportive, e cila do t’i shërbejë që të rritet, të fitojë besimin dhe personalitetin e domosdoshëm për t’u përballur me sukses në sfidat e këtyre niveleve, duke na dhuruar të tjera kënaqësi të veçanta si kjo e EURO 2024-ës”.
Në reagimin e tij, kreu qeverisë shprehet se askush nuk do ta kishte besuar që Shqipëria do ishte ende në lojë në ndeshjen e tretë të grupit, i konsideruar si “grupi i vdekjes”.
“Askush nuk do ta besonte me mendje – me zemër tjetër punë – që në ndeshjen e tretë të grupit në EURO2024, Shqipëria do të ishte ende në lojë e që ndërkohë do të ishte e treta, jo e fundit në atë që është quajtur botërisht si “grupi i vdekjes”.
“Eksperienca shumë më e madhe e rivalëve në dy ndeshjet e para bëri të sajën kundër nesh, se përndryshe pozicioni ynë sot mund të kishte qenë edhe më i favorshëm. Po ky është futbolli dhe çdo pishman i sotëm është eksperiencë për të nesërmen”.
![Kombëtarja Shqiptare e Futbollit, 19 Qershor 2024](https://tvklan.al/wp-content/uploads/2024/06/Gjasula.webp)
![](https://tvklan.al/wp-content/uploads/2024/06/gjasula-shenoi-gol-ndaj-kroacise.jpg)
![Qazim Laçi feston golin ndaj Kroacisë](https://tvklan.al/wp-content/uploads/2024/06/shqiperiaaa-1-1024x576.jpg)
![](https://tvklan.al/wp-content/uploads/2024/06/sylvinho.webp)
![](https://tvklan.al/wp-content/uploads/2024/06/shqiperia-feston-1024x682.webp)
![](https://tvklan.al/wp-content/uploads/2024/06/kombetarja-10-1024x639.jpg)
![](https://tvklan.al/wp-content/uploads/2024/06/kombetarja-9-1024x665.jpg)
![](https://tvklan.al/wp-content/uploads/2024/06/kombetarja-me-kroacine-1024x683.jpeg)
Duke e konsideruar një mision 100 përqind të pamundur të paktën në letër fitoren me Spanjën, Rama thekson se sot Shqipëria nuk ka asgjë për të humbur e duhet ta shijojë këtë moment magjik deri në fund.
“Sot përballemi me skuadrën më të frikshme të grupit në një mision që në letër është 100% i pamundur. Por topi është i rrumbullakët dhe në darkë të 12 lojtarët kuqezinj, ata në fushë dhe lojtari ynë i 12-të në shkallët e stadiumit, një ndër më fantastikët e këtij Europiani, nuk kanë absolutisht asgjë për të humbur, po vetëm duhet të luajnë e ta shijojnë deri në fund këtë moment magjik që kanë krijuar vetë”.
Takimi Shqipëri-Spanjë luhet në orën 21:00 të mbrëmjes së sotme dhe transmetohet ekskluzivisht në Tv Klan. /tvklan.al