Një burrë u arrestua pasi u përpoq të kontrabandonte më shumë se 100 gjarpërinj të gjallë drejt Kinës duke i fshehur në pantallona.
Doganierët në Shenzhen ndaluan udhëtarin që po kalonte në portin Futian, një pikë kufitare mes Hong Kongut dhe Kinës. Gjatë inspektimit, ata gjetën 6 qese të mbyllura me ngjitës në xhepat e pantallonave të tij.
“Doganierët hapën qeset dhe panë që secila kishte disa gjarpërinj të gjallë në gjatësi dhe ngjyra të ndryshme. Pasi i numëruan, rezultuan 104 gjarpërinj”.
![](https://tvklan.al/wp-content/uploads/2024/07/gjarperinj1-1024x768.webp)
U identifikuan 5 lloje gjarpërinjsh, 4 prej të cilëve nuk gjenden në Kinë. Asnjë prej specieve nuk ishte helmuese. Në njoftimin zyrtar shkruhet se ngjarja ndodhi “disa ditë më parë”, por pa e saktësuar.
Autoriteti doganor nuk tha nëse personi ishte arrestuar, por paralajmëroi se “nëse rregullat shkelen, dogana do të ndjekë procedurën ligjore në përputhje me ligjin”.
Në qershor, një burrë u arrestua ndërsa u përpoq të kontrabandonte 454 breshka të rrezikuara nga zhdukja, nga Macau drejt Kinës./tvklan.al