Një djalë i ri ka humbur jetën në Durrës teksa ishte në drejtimin e makinës. Gazetarja e Klan News në Durrës, Enkelejda Arapi raporton se viktima është një 22-vjeçar.

Sipas informacioneve të para, i riu dyshohet se pësoi atak në zemër çka bëri që të humbiste kontrollin e mjetit dhe të përplasej. Ngjarja ndodhi pranë urës së Dajlanit.

Policia ka shkuar në vendngjarje.

Ky është aksidenti i dytë me vdekje në Durrës këtë pasdite, pasi pak orë më parë një 16-vjeçar humbi jetën në Hamallaj teksa ishte pasagjer në një makinë.

NJOFTIMI I POLICISË SË DURRËSIT:

Rreth orës 20:45, në lagjen nr. 4 Durrës, tek “Ura e Dajlanit”,  automjeti me drejtues shtetasin A. H., 22 vjeç, është përplasur lehtë me trafik ndarësen.

Nga veprimet e para dyshohet se drejtuesi i automjetit  ka pësuar arrest kardiak  gjatë drejtimit të automjetit dhe për  pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.

/tvklan.al