Qyteti më i madh i Kanadasë, Toronto është përfshirë nga përmbytjet. Si pasojë akset kryesore rrugore në këtë qytet janë mbyllur.
Shërbimi i metrosë po rikthehet gradualisht, por ka ende devijime dhe vonesa të shumta.
Që nga mbrëmja e së martës një stuhi e fortë ka lënë rreth 45,000 klientë pa energji elektrike ndërsa ende nuk ka një afat kohor se kur mund të rregullohet rrjeti.
![](https://tvklan.al/wp-content/uploads/2024/07/1-7-1024x575.jpg)
![](https://tvklan.al/wp-content/uploads/2024/07/2-7-1024x583.jpg)
![](https://tvklan.al/wp-content/uploads/2024/07/3-6-1024x614.jpg)
![](https://tvklan.al/wp-content/uploads/2024/07/4-6-1024x579.jpg)
Pamjet video të shpërndara nga një dëshmitar okular tregojnë pemët, linjat elektrike të rrëzuara dhe makinat e zhytura në ujë. Brandy Rolle është një nga shoferët i cili u shpëtua nga ekipet e emergjencës.
“Po prisja dy orë në makinën time të përmbytur para se ekipet e emergjencës të reagonin. E gjitha kjo ndodhi shumë shpejt. Ata i nxorën të gjithë përfshirë edhe mua.”
Në të gjithë botën, stuhitë intensive të shiut po bëhen më të zakonshme për shkak të ndryshimeve klimatike, thonë ekspertët .
Këto stuhi sjellin probleme të mëdha në infrastrukturën e shumë qyteteve të cilat nuk janë krijuar për të përballuar një situatë të tillë.
Klan News