Një sherr mes dy personave ka përfunduar në përdorimin e armës së zjarrit.

Mësohet se Gjovalin Ndoji për motive banale është konfliktuar me 38-vjeçarin me inicialet A.Ç banues në Simon, Kaçinar-Mirditë duke e goditur më qytën e automatikut në kokë dhe më pas dyshohet se ka qëlluar me armë në ajër për ta kërcënuar.

Policia është vënë menjëherë në ndjekje të autorit, 29-vjeçarit Ndoji, duke bërë të mundur arrestimin e tij.

38-vjeçari ka pësuar dëmtime të lehta dhe po merr ndihmën e specializuar në Spitalin Rajonal të Rrëshenit pa probleme për jetën.

Grupi hetimor në vendngjarje ka gjetur dhe sekuestruar në cilësinë e provës materiale, 2 gëzhoja.

Materialet procedurale në ngarkim të këtij shtetasi, do t’i referohen Prokurorisë, pranë Gjykatës së Shkallës së Parë Lezhë, për veprat penale “Prodhimi dhe mbajtja pa leje e armëve luftarake dhe municionit”, “Plagosje e lehtë me dashje” dhe “Kanosja”.

/tvklan.al